第30章 雪落无声
生日天，礼拜天，下雪天，恨海情天。
苑因生日那天，有人来探访她。嬷嬷让她去见客，庭院里站着一男一女，女人手里牵着一个小男孩，男人怀里还抱着一个小孩。四人都穿着厚厚的新棉衣，女人头上还围着一条西洋的紫姜红羊毛围巾。苑因看了大喜，笑得泪眼迷朦，上前拉住阿妹的手，叫一声“阿姊”，就说不出话来了。
阿妹也哭了，抱着妹妹就骂：“侬格做孽的小姑娘，哪能好走格条路啊？爹爹姆妈来屋里哭得来要死，姆妈骂来骂去罗先生，勿是伊带侬出来，侬哪能会得变成格样子。伊倒是死脱了好了，留侬一家头在世上吃苦。吃了苦又不肯讲，一家头摆了肚皮里闷牢，苦啊苦煞脱侬了。阿囡，侬勿要做迭格嬷嬷了，侬跟我回去，勿想嫁人，就来屋里陪陪爹爹姆妈。我伲屋里林子里开花多少好看, 不比此地四面墙壁好？”
苑因只是不说话, 努力地笑着，但眼泪却流了一脸。低头看见小阿宝，小阿宝快六岁了，快到她腰间了, 小脸板板正正, 很像阿妹。见她在注意自己，就叫“小阿姨”, 说：“小阿姨, 我快要勿认得侬了。”苑因蹲下身和他平视，说：“乖宝, 长了介大了, 小阿姨才要不认得侬了。会得认字了伐？”小阿宝“嗯”道：“会了。爹爹送我去学堂读书，讲勿读书勿懂道理，人要轧坏道格[120]。”苑因“嗤”一声笑出来, 说：“是勿是下头还有一句，勿要像侬小阿姨？”小阿宝不好意思地笑了。
余阿宝赧颜相对，说：“阿囡，我勿是格意思。”苑因笑说：“姊夫侬讲了对格，人是要读书。侬让伊读下去，上大学，到外国去留学, 懂道理，勿要像我。”看看他怀里的婴儿，大红的虎头帽里，脂玉般的小脸上红扑扑的，瞌着眼在睡觉, 长长的睫毛像把小扇子，玫瑰花苞一样的小嘴唇半透明, 睡梦中吮吸了几下，像是一个笑容。苑因看了欢喜非常, 问道：“几辰光养下来格？几个号头[121]了？囝囝头还是小姑娘？”余阿宝说：“三个号头了。是小姑娘。”苑因又问叫啥名字，余阿宝说：“还没取名字, 就叫伊阿囡。姆妈讲伊跟侬小辰光一式一样，又勿哭，又好养, 见子人就笑, 是个小阿囡。”
苑因抱过来大哭，说：“勿要叫伊阿囡, 勿要叫伊阿囡。阿囡勿好，勿要带拨伊坏运道。拨伊取个大名，勿要叫阿囡。”余阿宝的眼睛也红了，说：“我伲没读过书，勿晓得取个啥名字。阿囡侬帮伊想一个好伐？”苑因把脸贴在婴儿的粉颊上说：“让我取名？勿要了，弄了勿好，我的坏运道要转拨伊了。”阿妹擦着泪说：“侬取，勿要紧，侬比我伲懂了多，见格世面也大，侬想格名字一定是好格。”苑因想一想说：“叫伊玛丽亚。万福玛丽亚，所有格祝福都是献拨伊格，伊一定会得太太平平过完一生。”把手里的孩子交给阿妹。
阿妹接过孩子，和余阿宝一愣，乡下姑娘叫玛丽亚？余玛丽亚？苑因看出他们的困惑，说：“大名叫余玛丽，小名就叫玛丽亚。”余阿宝说：“余玛丽，唔，蛮好听格。”苑因问小阿宝，“侬上学堂了，有大名了伐？”小阿宝说：“有，先生帮我取格，叫余宝玥。先生讲‘玥’是一种神珠，宝玥就是宝珠。”苑因皱了眉说：“余宝玥？鱼包肉？格先生不通格，伊大概帮侬取名字迭辰光肚皮饿了，想吃荷包鲫鱼了。下趟有人取侬绰号‘鱼包肉’, 侬就好去寻先生麻烦去了。”说得大家都笑，小阿宝不乐意了，说：“小阿姨欺负人。”
苑因笑说：“小阿姨教侬, 要是真格有人叫侬‘鱼包肉’，侬就搭伊讲, 格叫肚皮有货色, 好过侬只木鱼脑子镗锣鼓，白肚皮田鸡河豚鱼。伊骂侬，侬就骂回去。”小阿宝听了开开心心地说：“嗯，我记牢了。木鱼脑子镗锣鼓，白肚皮田鸡河豚鱼。小阿姨，侬顶来塞[122]。”脸上是一片的仰慕。
阿妹嗔道：“哪里有侬格能教小囡格？好格勿教，教伊骂人。”苑因吐吐舌头，说：“小人嘛，哪里个小人不吵相骂？吵相骂不好输拨人家，勿然要一路拨人欺。勿过人家勿欺侬，侬就勿要去欺负人家，做人勿单单要小聪明，还要大聪明。格大聪明就是审时度势，随机应变。有辰光不需要讲闲话，就一定勿要讲，闲话多了招人烦。有辰光一定要侬讲，就要讲到人家心服口服。有一句顶一句，一句勿好浪费脱。”想起“审时度势，随机应变”八个字是谁教她的？
小阿宝点头说：“我记牢了，小阿姨。”苑因摸摸他的头，说：“好好交读书。”抬头问余阿宝和阿妹：“倷今朝哪能会得来格？”阿妹说：“今朝勿是侬十八岁生日？又快过年了，我伲进城来买点年货带回去。再讲小阿囡，勿是，是玛丽亚，玛丽亚三个号头了，好出门了，特为带伊出来让侬看看。姆妈开始辰光还讲伊太小，天又冷，勿要带伊。我讲勿要紧，衣裳多着两件就是了。”苑因拨拔婴儿的小脸，从胸前取下一根悬着十字架的项琏，戴在婴儿帽子外头，说：“见也见过了，倷快点回去伐。天冷，马上要落雪了，回去还有交关路呐。阿姊侬刚刚养好小囡，勿好介吃力格。”
这章没有结束^.^，请点击下一页继续阅读！